النهاردة جاتلي فكرة .. قلت أورنش جزمتي
ودي شغلة م اللي بأكره .. أصل دي مش شغلتي
لسة ها أوسخ صوابعي بالورنيش ! يا وقعتي
أم فجأة جاتلي فكرة اني استخدم سفنجة
والغريبة الفكرة نجحت .. قلت اسجل فكرتي
لقيت ناس كتير يا خويا عاملة زي سفنجتي
وأنا اللي نايم في العسل مع قماشتي وقطنتي
قعدت افكر ايه السبب ، واكتشفت لدهشتي
ان ابويا عمره ما استخدم سفنجة ، أوم أنا من غفلتي
ماشي زيه ع القضيب من غير ما أغير سكتي
مع ان زمنه غير زمننا .. وخبرته غير خبرتي
لكن عمري ما وقفت افكر أزاي اطور فكرته
وازاي بطريقة أسهل .. وازاي بطريقة أشيك
أورنش جزمتي
* * *
2 comments:
السلام عليكم ابن النيل
مدونة رائعة بجد
اعجبتنى جدا ولى فيها رجعة قوية بمشيئة الله
اعجبتنى ورنيش جزمتى قلت ما امشيش الا وتعليقى مكتوب عندك
تسلم تقبل مرورى السريع
لمى هلول
أهلا وسهلاً بك يا أخت لمي .. وأشكرك على مرورك وعلى تعليقك الرقيق ، وأرحب بك دائماً صديقة عزيزة
ابن النيل
Post a Comment