أراكِ وأنا معصوب العينين
وقلبي متكئُ على شجونه
كغَمامةُ طيبة وحزنُ نبيل
ترتقين لي أحاسيسي التي انهكها الزمن
وتحكين لي عن أُمكِ وعن جدتِك
حكاياكِ الساذجة تريح رأسي المتعبة
وتهدهد صمتي فيرتاح على كتفي
عني ، وعن مصر وعن كل كائن حي يمكن يكون مش حاسس انه حي ، او حي وعايز يقول انه حي ، او عايز يصرخ في الناس حي على الحياة، او عايز ينادي اي حي ، أو تايه عن الطريق والحي
أراكِ وأنا معصوب العينين
وقلبي متكئُ على شجونه
كغَمامةُ طيبة وحزنُ نبيل
ترتقين لي أحاسيسي التي انهكها الزمن
وتحكين لي عن أُمكِ وعن جدتِك
حكاياكِ الساذجة تريح رأسي المتعبة
وتهدهد صمتي فيرتاح على كتفي
النهاردة جاتلي فكرة .. قلت أورنش جزمتي
ودي شغلة م اللي بأكره .. أصل دي مش شغلتي
لسة ها أوسخ صوابعي بالورنيش ! يا وقعتي
أم فجأة جاتلي فكرة اني استخدم سفنجة
والغريبة الفكرة نجحت .. قلت اسجل فكرتي
لقيت ناس كتير يا خويا عاملة زي سفنجتي
وأنا اللي نايم في العسل مع قماشتي وقطنتي
قعدت افكر ايه السبب ، واكتشفت لدهشتي
ان ابويا عمره ما استخدم سفنجة ، أوم أنا من غفلتي
ماشي زيه ع القضيب من غير ما أغير سكتي
مع ان زمنه غير زمننا .. وخبرته غير خبرتي
لكن عمري ما وقفت افكر أزاي اطور فكرته
وازاي بطريقة أسهل .. وازاي بطريقة أشيك
أورنش جزمتي
* * *
قالوا الفرق بينا وبينهم
إن كل شئ مظبوط بالورقة والمسطرة
وكل شئ متقاس
قالوا الفرق في الحضارة والعمارة والثقافة
وبحث علمي هــوه الأساس
قالوا الفرق في العدل والقانون
والمساواة بين الفقير وأكبر راس
قالوا الفرق في الحرية والديمقراطية
وفرص متاحة للباشا والكناس
قالوا الفرق في التكنولوجيا ، والميكنة في كل شئ
حتى الزراعة مابقتش بالفاس
قلّبت الكلام في دماغي وبصيت لهم
قلت : أبداً يا جدعان .. الفرق في الناس
* * *
مقدمة
جاءت فكرة الكتاب عندما أحسست بالموسيقى الجميلة الموجودة فى أمثالنا الشعبية .. لقد أردت أن أدرس الأمثال من عدة جهات مختلفة عما دُرست من قبل ؛ ففكرت فى كتاب يكون موضوعه "أغرب الأمثال والتعبيرات" ، وقد وجدت أنه قد يكون من المثير أن أفرد فصلاً كاملاً لشرح أغرب التعبيرات لما لها من خفة ظل وغرابة فى ذات الوقت ، فمثلاً تعبير "إبن حنت" وتعبير "إبن بارم ديله" تعبيرات تستحق التأمل ؛ وتعبير "ركبنى العصبى" ، "ركبنى ميت عفريت" تعبيرات تستحق الدراسة ، ناهيك عن التعبيرات المرتبطة بالقلب مثل "قلبى واكلنى" ، "قلبى انكسر" ، "فى قلبى من جوه" فكلها تعبيرات جميلة لابد من معرفة مصدرها الأصلى .. والعديد من التعبيرات الأخرى التى سألقى الضوء عليها فى ذلك الفصل.
سامــح مقـــــــار